Эжыhээ мэргээр
Этигэхэ хγн байхагγй.
Эжыhээ γлγγгээр
Хγлисэхэ хγн байхагγй.
Эжыhээ зөөлэн
Энхэрэлтэй хγн байхагγй.
Эжыhээ дулаанаар
Эльгэлхэ хγн байхагγй.
Эжыhээ хγндөөр
Гэмнэхэ хγн байхагγй.
Эжыhээ ехэ
Аргатай хγн байхагγй! (В. Намсараев)
Мартын 4-дэ «Эхын hургаал – эм, дом …» гэhэн харалга мүрысөөн γнгэргэгдэбэ. Гол зорилгонь хадаа γндыжэ ябаhан γхибγγдээ буряад арадайнгаа ёhо заншал мартангγй, бγри арьбадхажа, саашань дамжуулжа ябаха hэн гэжэ найдал болоно.
Энэ заншалта харалганда анги бγхэнhөө 1 басаган эжытэеэ, хамта 11 бγлэ хабаадаба.
Мγрысөөндэ хабаадагшад элдэб шадабаринуудаа харуулба, Олон эжынэр хонгёо hайхан дуунуудые зэдэлγγлбэ, хатар бγжэг харуулба, ёhо заншалай мэдэсэ элирγγлэгдэбэ, гарай урлалай дγнгγγд татагдаба. Энэ харалга мүрысөөнэй илагшад: 4хи «улыбка» ангиин hурагша Базарова Дари Уржин Далаевна эжытэеэ болоо. Хоёрдохи hуурида Балдоржиева Роза Мункожаргаловна Ирина басагантаяа, Цыбжитова Энхэма Цыбеновна Цойжина басагантаяа гарабад. Гурбадахи hуури Цырендожиева Роза Баясхалановна Цырма басагантаяа, Цыренова Соёлма Дондоковна Алина басагантаяа эзэлбэд.
Хγн бγхэн эжын нангин hургаал толгой сээжэдээ хадуужа ябаха ушартай, эхын буянгаар
γхибγγн бγхэн жаргалтай hууха болтогой!
