Эгээ түрүүн hургуулида
Эртэ намар орообди.
Энэ гэжэ «А» үзэг
Эндэ мэдэдэг болообди.
Үзэг манда танюулhан
Үзэгэлэлнай арюухан!
Үбэлэй тэн багта
Үзэгэлэлөө дүүргээбди.
Одоол иигээд байхадаа
Ондоо ном дэлгээбди.
Үнэтэ эрдэм барюулhан
Үзэгэлэлнай арюухан!
Мартын 23-24 –дэ hургуулидамнай 1хи ангиин hурагшад үзэглэлэй hайндэр үргэнөөр тэмдэглэгдэбэ. Олон тоото айлшад, гэртэхин сугларжа, үхибүүдые эрдэмэй үүдэ сэлиhэн ушараар халуунаар амаршалба. hурагшадай бэлдэhэн хүхюу дуунууд, хонгёо шүлэгүүд, хатар наадан зэдэлжэ сугларагшадые урмашуулба.
