Агын нэгэдэхи дунда hургуулиин
буряад хэлэнэй багшанар:
Цыдыпова Билигма Доржиевна
Балдандоржина Баира Дашинимаевна

«Морин эрдэниин магтаал-соло»

Морин эрдэниин зурагай харалган.
Видеоклип «Морин эрдэни».
1. Алтан наранай элшэ доро
Хүхэ мүнхэ тэнгэри доро
Хүрьhэтэ алтан дэлхэй дээрэ
Харьялма Ага голоймнай
Хойто,урда эрье дээрэ
Амгалан тэнюун ажаhуугша
Арад зондоо,Сагаа hарын амар мэндээ!
2. Алас газарта гүйдэлтэй,
Атар хээрэ нютагтай,
Аян замда түшэгтэй
Агуу хүсэтэ Морин жэл
Морин эрдэниин шэхэ баясуулан,
Мүнхэ нэрыень шэмэглэн магтая!

2.Амар мэндэ, хүндэтэ hурагшад, хабаадагшад, айлшад! Мүнөөдэр, 2014 оной
февраль hарын 20 үдэр гараад байhан хүхэ модон морин жэлдэ зорюулагдажа,
Ага тойрогой hурагшадай «Морин эрдэни» гэгдэhэн фестиваль нааданай үшөө
нэгэ найр үнгэргэгдэхэнь.
1. Морин жэлэй эхин дээрэнь,
Сагаан hарын охин дээрэнь,
Улад зонойнгоо сугларhан дээрэнь,
Уужам сэдьхэлэйнгээ нимгэн дээрэнь,
Ууган буряадайнгаа hайндэрые эхилэе!
1. Фестивалиимнай тугэсхэлэй «Морин эрдэниин магтаал-соло» гэhэн найр наадаяа
эхилhэндэ тоолоод, Агын Буряадай округой захиргаанай дэбисхэр дээрэхи
социальна (отдел соц. развития) таhагай дарга Тарбаева Баирма Болотовнада үгэ
үгтэнэ.
Мүнөөдэрэймнай «Морин эрдэниин магтаал-соло» гэhэн найртамнай
ерээд байhан манай хүндэтэ айлшад гэхэдэ
1.

Мүнөөдэрэймнай Морин эрдэнидэ зорюулагдаhан гол мүрысөөниие хаража
Сэгнэхэ жюриин гэшүүд:
1.

Наhанайм домог-нарата нютаг
Намтарай эхин-нангин тоонтом.

Эдир багаhаамнай эльгэлжэ хамта
Энхэрэн байhан эхэ-Агамнайл…
Олон үеын ажалшадаараа,
Онсо амжалтатай хүнүүдээрээ,
Оюун бэлигтэй зоноороо
Омогорхон түрүүлэн байдаг
Ага можын арад зондо
Амар мэндэеэ мэдүүлнэбди!
«Мори ажалладаг заншал ба зэмсэгүүд» гэhэн темээр мүрысөөнэйнгээ зүжэг наада
харуулхыень Агын районой hурагшадые энэ тайзан дээрэ уринабди.
1.Танай анхаралда Агын аймагай эрхим hурагшад!
2.Халуун альга ташалгаар угтая!
(Выступление Агинского района)
1.Yлгы нютаг-Дульдаргамни
Yльгэр түүхээршни омогорхоноб!
Эрдэм бэлиг шудалhан
Эрхим хүнүүдээршни бахарханаб!

2.Хүлэр мүнгэн сэргэнүүдтэш
Хүлэг гүйгөөшэд тогтодог лэ,
Ажалша бэрхэ хүнүүдhээш
Абьяас ехэтэн алдаршадаг лэ!

1.Тайзан дээрэ «Суута моридой үнэн бодото түүхэнүүдээр» бидэнээ танилсуулха
хүсэлэнтэй Дульдаргын аймагай эрхим hурагшад уригдана.
2.Халуунаар угтая!

(Выступление учащихся Дульдургинского района)

1.Арад зоноо анхарагша
Ашата хэрэгээр шалгарhан,
Ага нютагаа суурхагша
Ажалша зоноо рурдалhан.

2.Эрдэм, бэлигтэ урагшатай
Эдир олон багашуултай,
Хүдөө газарта hойгдоhон
Хүлэг гүйгөөшэ моридтой.
1.Түрэл hайхан Могойто аймаг-
Түшэг мэтэ тоонто нютагнай,
Түмэн жэлэй түүхэ дэорон
Түүрээгдэжэл байхань болтогой.
1. «Буряад арадай үльгэр түүхэдэ ороhон Морин эрдэниин дүрэ» гэhэн темээр найр
наадаяа Могойтын аймагай hурагшад харуулхань.
2. Халуун альга ташалгаар угтая!

(Выступление учащихсяМогойтуйскогорайона )

1. – Наhанайш гуламта хаанаб?- гэжэ
Намhаа хүнэй асуубал, хэлэхэб
-Наhанай гуламта — Ага нютаг,
Нангин болоhон тосхон, — гэхэб.

2.Түрэлхи hайхан Ага тосхомнай
Түүхэдэ ороhоор үнинэй,

Түрүүн hуурижаhан тогтоhон сагhаа

Тэбхэр хоер зууе даба hэмнай.
1.Тайзан дээрэ Ага тосхоной бүлгэм. «Буряад уран бүтээлнүүдтэ морин эрдэниин
дүрэ» гэhэн темээр наадаяа харуулхань.
2. Халуунаар угтан абаял даа!

(Выступление учащихся «Посёлок Агинское»

1. Хүндэтэ айлшад, хабаадагшад! Мүнөөдэр манай тайзан дээрэ гаража, уран бэлигээ
харуулжа, бүгэдэ зоной шэхэ баясуулhан, нюдэ хужарлуулhан, сэдьхэл арюудхаhан Агын
тойрогой 4 аймагуудай эрхим түрүү hурагшадта баяр баясхалангаа мэдүүлэе! Саашадаа
эрхим хүнүүд боложо Ага hайхан нютагайнгаа hүр hүлдыень үргэжэ, нэрэ түрыень
алдаршуулан ябахыень хүсэе!
2. «Морин эрдэниин магтаал- соло» гэhэн фестиваль нааданай түрүүшын шата, эгээл
hайхан харалган –наадан дүүрэбэ. Жюриимнай гэшүүд ажалаа ябуулхань, харин бидэнэй
найр наадамнай үргэлжэлхэнь.
(«Путь к Чамдо» хатар.АСОШ№1»)

2-дохи хуби
Мориной магтаал, соло

1. Һүр hүлдыемнай үргэhөөр
Морин жэлнай морилбот.
Мүр бүхэнөө үлөөхөөр
Мүнгэн харгы шэнэлбэт.
Морин эрдэни солотой
Шэнэ жэлдээ баясая.
Мүшэн дороо золтой,
Шэн зоригтой ябая.
Олон зуугаад жэлые
Дабажа хүрэhэн морин лэ!
2.Омог хүсэнэй шэдиие
Даажа ерэhэн абарал лэ!
Түмэн модоной зайе
Түргэн дабаhан морин лэ.
Гадаада ехэ далайе
Гаталан тамарhан хүлэг лэ.
Уhан галабай эхиндэ
Угтан бараалханабди шамаяа.
Наhан тухай бодолдо
Нара уряалнабди шамдаа.
Агууехэ Морин жэл!
1. Буряад арадаймнай дээжэ болохо уран хурса үгэ, сэдьхэлэй гуниг, баяр, мүнхэ
дуран гээшэ хүгжэмтэ дуунай аялгаар харуулагдадаг.
2. Мүнөө танай анхаралда «Амар мэндээ» гэhэн дуу районной соелой түбэй гол
дуушан, Дэлгэр Ирдынеев гүйсэдхэхэнь. Халуунаар угтан абая!
(Дэлгэр Ирдынеев «Амар мэндээ»)
1. Ханхинаг, ханхинаг гоеор
Харгы замуудай уян дуунууд
Жэнхэни нютагайм зулайда
Жэргэмэл шэнгеэр жэрьег лэ!

2. Танай анхаралда «Юный Будамшуу» гэhэн Уласхоорондын конкурсдо Гран-при
шүүhэн, Шулуутайн дунда hургуулиин Зыдыгмаев Ананда Сагаалганай бэлэг
болгон өөрынгөө наада харуулхань. Угтан абая!
(Мүнхэ Бадмаев «Нютаг»)
1. Мүнөө XXI зуун жэлдэ морин талын улад зоной нюдэнэй шэмэг, сэдьхэлэй
хужар болодог зандаа.
2. Мори урилдаан – найр наадануудай дээдын хүндэтэ еhолол, омог дорюун,
үүлтэртэ hайхан моридой «ялас» гэмэ илалтануудынь Агын тойрогой түүхын
алтан жасын эрдэни зэндэмэнинүүд.
1. Нюдэнэй шэмэг, сэдьхэлэй хужар болгон, «Сансара» ансамблиин hайхан хатар
харахыетнай уряалнабди.
(ансамбль «Сансара» хатар)

2. Мүнөө энэ «Морин эрдэни» фестивалиин хэмжээндэ үнгэргэгдэhэн олон
конкурснуудайнгаа дүн гаргахыень, найр наадыемнай хаража, сэгнэжэ байhан
жюриин гэшүүдтэ үгэ үгэе.
Мурысөөнэй илагшадые шагналга
Yреэл захяа үгэнүүд.
1. Морилжо ерэhэн морин жэлдэ
Мэндэ амар hуугты!
Сахилжа ерэhэн Сагаан hарада
Сэбэр арюун ябагты!
2. Морин эрдэни дэлдэмбэрэлтэй, үргэел!
Тоонто нютагаа түүрээн магтаял!
Уг гарбалаа уудалжа ябаял!
Гурим заншалаа сахижа ябаял!
(Солбон Батоболотович «Буряад арадни мандаг лэ!» дуун. АСОШ№1)