Конкурс «В бурятской песне — душа моего народа»
Дуунай конкурс
( ведущие гарана.)
1. Үдэшын амар мэндэ, хүндэтэ hурагшад, айлшад,багшанар!
2. Буряад арадаймнай дээжэ болохо уран хурса үгэ, сэдьхэлэй гуниг, баяр, мүнхэ дуран
гээшэ хүгжэмтэ дуунай аялгаар харуулагдадаг. «Буряад дуунай аялга соо арадайм
сэдьхэл» гэhэн фестивалиин хэмжээндэ 3 можын хоорондо дуунай конкурс
үнгэргэгдэхэнь.
1. Ажабайдал – зүүдэн бэшэ,
Ажабайдал – дуун!
Һайхан энэ дуу
Һайнаар дуулахаяа
Эрмэлзэ.
2. Дуугаа дуула хүн тухай,
Дулаан, гүн сэдьхэл тухай,
Ажа амидаралта ажал тухай
Ашата эрдэм тухай.
2. Манай hургуули буряад үндэhэн соелоо hэргээжэ, арадайнгаа еhо заншал, түүхэ, хэлэн,
уран бүтээл дээрэ үндэhэлжэ, түрэл арадтаа дуратай патриодуудые, творческо зохеохы
ажалаараа арадайнгаа түүхэдэ өөрынгөө хубита оруулха аргатай зониие хүмүүжүүлхэ
гэhэн зорилго табидаг гээшэ. Энэ ажалаа үндэр ехэ профессиональна хэмжээн дээрэ
ябуулхын тула бидэ буряадай түрүү артистнараар, уран зураашадаар, уран бэшээшэдээр,
соел культурын түлөөлэгшэдээр хамта ажалланабди. Энэ ажалымнай ехээр дэмжэжэ
өөрынгөө сэгнэшэгүй онсо удхатай хубита оруулжа байhан Буряад республикын
габъяата артист С.Ц.Жамбаловта манай hургуулиин hурагшадай уран hайханай
хүгжэлтэдэ ехэ хубитаяа оруулжа байhыень hайхашаан байжа таанадта мэдүүлхэ дуран
хүрэнэ.
1. Э. Жамбалова тухай
2. Буряад арадаймнай нангин баялиг хадаа урданай дуун, наадан, хугжэм, еhо заншал,
үльгэр түүхэ соо, уран бүтээл соо нягтаар хадагалаатай байдаг. Энэ ехэ баялигые
шэнжэлжэ, наряар эдлэжэ, бэедээ шэнгээхэ, бэшэ зондо дамжуулха еhотойбди. Энэ
талаараа бидэ Региональный центр сохранения и трансляции бурятской культуры гэжэ
зэргэтэй болонхойбди. Тиихэдээ бидэ өөрынгөө хэжэ байhан ажалай дүн зондо харуулха,
технологитоео хубаалдаха гэжэ оролдолго гарганабди.
1. Мунөө сагай залуушуул буряад дуугаа мэдэнэ, дуулана гээшэ гу, али энэ ехэ
баялигнай мартагдажа байна гу, гэhэн бодолдо абтажа энэ фестиваль үнгэргэхэ
гэжэ бодоhон байнабди. Энэ фестивалиимнай дэмжэжэ ерээд байhан таа бүгэдэндэ
баяр хүргэжэ, эхэ хэлэеэ hэргээжэ, турэл арадайнгаа hүр hүлдые дэмжэн үргэхэ
хэрэгтэ үндэр ехэ амжалта бултанда хүсэнэбди.
Энэ фестивальда ерээд байhан манай айлшад:
1. Манай hургуулиин багшын ажалай ветеранууд
2. Һургуулиимнай управляющий совет
3.
4
5
Эрхим дуушаниие сэгнэжэ элируулхэ жюриин гэшүүдтэй танилсая:
1. Саян Цыдыпович Жамбалов –
2. Эржэна Зугдаровна Жамбалова –
3. Агын нэгэдэхи hургуулиин буряад хэлэ литературын тубэй хутэлбэрилэгшэ
Цыренова Л.С.
Гол хуби.
1. Үбгэд, хүгшэд үреэл үгөөрөө
Үльгэр домог – зугаа дэлгэжэ,
Найр наадамнай урма баяртай
Нарьяжа гоеор дэлбэрэг лэ, дэлбэрэг!
2. Хүхюун согтой хүбүүд, басагад
Хонгео hайхан дуугаа эхилжэ,
Хүндын еhоор айлшад – таанартаа
Хүсэл, зориг заяанал даа, заяанал!
1.Дуулим hайхан ордон соомнай ирагуу hайхан дуунууд ханхинахань.
Хонгео hайхан дуугаа дуулалдажа, концерт наадаяа эхилэел даа!
2. Конкурс Могойто можын эрхим дуушад эхилхэнь. Түрүүшын хабаадагша …
( сценын саанаhаа )
2. Дуунууд, дуунууд … Үхибүүдэй дуунууд … Улаан бургааhан мэтээр ургажа ябаhан
үхибүүдэймнай дуулаха уран гое, удха түгэлдэр дуунууд …
1. Конкурсымнай саашань Дульдарга можын эдир дуушад үргэлжэлүүлхэнь. Түрүүшын
хабаадагша …
( сценын саанаhаа )
2. Һайхан дэлхэйнгээ хүрьhэн дээр
hуурияа олоhон нютагнай( … … залуушуулнай)
аялга дуунайнгаа дээжые
арадтаа зорюулан дууланал даа.
1. Ага можын залуу дуушад хонгео hайхан дуунуудаа бэлэглэхэнь. Түрүүшын хабаадагша
…
Жюриин дүн гаргаан соонь
Захяа үгэ.
1. Бусад ондоо яhатанай дунда хаанашье, хэзээшье ябахадаа, түрэл арадайнгаа нэрэ хүндэ
үргэхэ гэhэн бодол алдангүй, тэрэнээ арга шадал соогоо арьбажуулан хүгжөөжэ байял даа!
Буряад зон гээшэ дууша юм гэжэ алдаршаhандаа омогорхон, түрэл аялгаяа зэдэлүүлжэл
ябаял, нүхэд!
2.Дуушаднай бидэндээ ирагуу hайхан аялгаяа нюдэнэй шэмэг, шэхэнэй хужар болгон
гүйсэдхэжэ, зүрхэ сэдьхэлыемнай хүдэлгэбэ, баясуулба гээшэ. Элинсэг хулинсагайнгаа
дуулажа ябаhан, сэнгүй ехэ баялиг болохо дуунуудые зүрхэ сэдьхэлэйнгээ гүн соо
хадагалжа, тэдээндэ гамтай hайханаар хандажа ябаял даа! Иигээд, хабаадагшадтаа
баярые хүргэн, жюриин гэшүүдтэ үгэ үгэе.
Жюри хэлэнэ
Уряал шүлэгүүд.
1. Ханхинаг, ханхинаг гоеор
Харгы замуудай уян дуунууд
Жэнхэни нютагайм зулайда
Жэргэмэл шэнгеэр жэрьег лэ!
2. Аглаг замбида сасарhан
Алтан наранай туяандал
Олоной зүрхэ буляаhан
Ошото дуунууд хангюурдаг лэ!
1. Дуун… Дуун гээшэ арад зоной , сэьхэл, hэшхэл, бодол, хүсэл, эрмэлзэл мүн. Дуунтай
нүхэсэhэн хүн хододоо жаргалтай, эршэтэй, омог хүхюун, залуу ябадаг.
2. Буряад араднай ехэ багагүй аялга дуугаа татаха дуратай ха юм. Энэньшье ехэтэ
hайшаалтай. Дуунтай нухэсэhэн хун гээшэ нэгэтэ бэшэ агуу хэрэгые эрхилэн бутөөхэ гэжэ
эрмэлзэдэг.
Дуунайм эхин – шамдаа
Дуулыш гоеор намдаа.
Дуушан шамай замдаа
Дуудан гарааб дандаа.
Суумнай –
арад зонhоо
Дуумнай –
арад зондоо.
