Мартын 5-да Агын тойрогой Соёлой байшан соо болоhон «Шагай наадан» гэhэн мүрысөөндэ манай Агын 1-дэхи дунда hургуулиин хүүгэд эдэбхитэйгээр хабаадажа, шангуудта хүртэбэ.
«Шагай няһалалга» нааданда 8-дахи «мүшэн» ангиин hурагша Цыбендоржиев Сергей илагша боложо тодорбо. Мүн лэ энэ нааданда 8-дахи «бэлиг» ангиин hурагша Жамсоева Санжина 3-дахи һуурида гараба.
Цыбендоржиев Сергей шагай шүүрэхэдээшье эгээл эрхим байба. Тиимэhээ «Шагай нааданай Абарга» болобо. Харин 5-дахи «фаворит» ангиин hурагша Дамшаева Алтан «Шагай шүүрэлгын» 3-дахи һуури эзэлээ.
Амаршалнабди эдир шагайшадаа! Саашадаа үшөө үндэр амжалтануудые хүсэнэбди!
