2024 оной ноябриин 26-да, Агын тойрогой hургуулинуудай 5-6 ангиин үхибүүдэй хоорондо Цыбен Жамсараногой нэрэмжэтэ номой санда «Гурбан сэсэн» гэhэн наадан үнгэрөө.
«Хүн болохо багаhаа, хүлэг болохо унаганhаа» гэhэн сэдэбээр тус хэмжээ ябуулга захалаа.
Бүлгэмүүд гэртээ буряад хэлэн дээрээ танилсалга бэлдээд ерэхэ даабаритай байгаа. Эндэ танилсалгын шата ехэ хүхюутэйгөөр үнгэрөө, үхибүүд бэлэдхэл ехэтэй ерээ гээд тэмдэглэхэ шухала: дуу дуулаа, хатар гүйсэдхөө, зүжэг харуулаа.
Удаадахи шата «Оньhон үгэ онсотой» гэжэ сэдэбтэй байба. Эндэ бүлгэм бүхэнhөө 3-3 хабаадагшад оньhон үгын баттлда хабаадажа, хүн бүхэн хэр олон оньһон үгэ мэдэнэб гэжэ элирээ.
Гурбадахи «Уран үгын абдарhаа» гэhэн шатада хабаадагшад оньһон үгэнүүдэй удхыень тодорхойлон, бэшэндээ сценкэ — экспромт наадажа харуулаа.
Мүрысөөнэй hүүлшын IV-дэхи шата «Һураhан – далай, hурагүй — балай» гэhэн сэдэбтэй 3 даабариhаа бүридэhэн байба.
Оньhон үгэнүүдэй баттлда эрхим дүн харуулhан хабаадагшад «Абарга сэсэн» («Лучший мудрец»), «Эрхим сэсэн» («Самый мудрый») и «Уран сэсэн» («Ловкий мудрец») гэжэ номинацинуудта хүртэбэ. Эндэ Агын нэгэдэхи hургуулиин 6 –дахи «Олимп» классай hурагша Митупова Арюна онсо шалгаржа, «Эрхим сэсэн» гэhэн нэрэ зэргэдэ хүртэбэ.
Хамта дээрээ урилдаанай дүнгүүдээр Агын нэгэдэхи hургуулиин «Урагшаа» бүлгэмэй үхибүүдые хүсэхэ хүүгэд үгы гэжэ элиржэ, түрүүшын һуурида гараа. 1-дэхи шатын диплом, үнэтэ бэлэгүүд бултанда барюулагдаба.
Багшань Цыдыпова Билигма Доржиевна! Амаршалнабди! Бэрхэнууд!
Фото: https://agalibr.ru/intellektualnaya-igra-gurban-sesen-troe-mudryh/
