Февралиин 26-да И.Д.Кобзоной нэрэмжэтэ Агын хүүгэдэй урлалай байшанай дэргэдэ буряад арадай үндэhэн наадануудай нэгэн болохо «Шагай наадан -2025» гэhэн турнир эмхидхэгдээ.
Манай hургуулиин 2-11 классуудай һурагшадһаа бүридэһэн суглуулагдамал 2 команда энэ турнирта хабаадаба. Үхибүүд «Шагай няһалалга», «Шагай шүүрэлгэ», «Мори урилдаан» гэһэн хубинуудаар мүрысэхэ аргатай байба. Эрхим шагайшад шалгаржа, баярай бэшэгүүд болон мүнгэн шангуудта хүртэбэ.
Мүрысөөнэй дүнгүүдээр «Шагай шүүрэлгэ» гэһэн хубида:
— 2-4 кл. классуудай хоорондо – Балдоржиева Сэлмэг, 4 урагшаа кл. – 2 һуури, Жалсанова Адиса, 4 этигэл кл. – 3 һуури;
5-8 классуудай хоорондо – Бадмаева Юлия, 8в кл — 3 һуури;
9-11 классуудай хоорондо – Галсандоржиев Алексей, 11 в – 1 һуури, Цыбендоржиев Сергей, 9 «мүшэн» — 2 hуури, Мункуева Марина, 10 ника — 3 һуури эзэлбэд.
«Мори урилдаан» гэhэн хубида манай hургуулиин hурагшад Цыренова Арина (3 алдар) түрүүшын hуури эзэлээ, хоердохи hуурида Рыгзынов Бэликто (6 дружный), Галсандоржиев Алексей (11в), харин гурбадахида Жамбалов Баясхалан (8б), Чимитсариева Александра (10 ника) гараа.
«Шагай няһалалга» наадахын тула үнэхөөрөөшье хёрхо нюдэтэй, гарайнгаа хургануудай тамир тэнхээ ухаанайнгаа хурдантай тэнсүүлжэ шадаха хэрэгтэй.
«Няhалалга» гэhэн хубида Галсандоржиев Алексей (11в), Цыдендоржиев Очир (7 найдал), Мункуева Лариса (4 жаргал) нэгэдэхи болоо. Хоердохи hуурида Жамбалов Дандар (11в) Цыренова Даяна (4 зориг), гурбадахида Мункуева Марина (10 ника) Батоцыренов Мэргэн (7 найдал) шалгаран гараа.
Алексей Галсандоржиев шагай шүүрэхэдээшье, няһалхадаашье эгээл эрхим байба.
Эдир шагайшадаа амаршалнабди! Саашадаа үшөө үндэр амжалтануудые туйлахыень хүсэнэбди!
